ஓட்டுக்காக மக்களை ஏமாற்ற மாட்டோம்!”.. தமிழக அரசு

சென்னை: நீட் தேர்வு முறைகேடுகள் மற்றும் குளறுபடிகளை மட்டும் தாங்கள் எதிர்க்கவில்லை; மாறாக நீட் தேர்வே அறவே கூடாது என்பதே தமிழக வெற்றி கழகத்தின் (த.வெ.க) சமரசமற்ற உறுதியான நிலைப்பாடு என்று அக்கட்சி சார்பில் அதிகாரப்பூர்வ அறிக்கை வெளியிடப்பட்டுள்ளது. 🚨 அறிக்கையின் முக்கிய அம்சங்கள்: ஏமாற்று அரசியல் வேண்டாம்: "தேர்தல் ஓட்டுக்காக நீட் தேர்வை நாங்களே நீக்குவோம் என்று மக்களை ஏமாற்றும் மோசடி அரசியலில் தமிழக வெற்றி கழகம் ஒருபோதும் ஈடுபடாது." கல்வியை மாநில பட்டியலுக்கு மாற்ற கோரிக்கை: கல்வியை உடனடியாக மாநில பட்டியலுக்கு (State List) மாற்ற வேண்டும். இதில் ஏதேனும் சட்ட நடைமுறைச் சிக்கல்கள் இருக்கும் பட்சத்தில், அவற்றுக்குத் தீர்வு காணும் வரை இடைக்கால தீர்வாக 'சிறப்பு பொதுப் பட்டியல்' (Special Concurrent List) உருவாக்கப்பட வேண்டும். இதன் மூலம் கல்வி மற்றும் மருத்துவக் கல்வி உள்ளிட்ட துறைகளில் மாநில அரசுகளுக்கு முழு அதிகாரத்தை வழங்க வழிவகை செய்ய வேண்டும். அவதூறுகளுக்குப் பதிலடி: கட்சியின் மீது அவதூறுகளைப் பரப்புபவர்களுக்கும், பழைய அரசியல் மோசடி வரலாறுகளை உலகமே தோண்டியெடுத்து அம்பலப்படுத்தும் சூழல் உருவாகும் என்றும், அது அத்தகைய அவதூறு அரசியலுக்கு முடிவுகட்டுவதாக அமையும் என்றும் அறிக்கையில் எச்சரிக்கப்பட்டுள்ளது